Sunday, January 24, 2016

How I remove my makeup طريقتي المفضلة لإزالة المكياج






توي استوعبت ان بكل سنيني بالتدوين عن المكياج اعتقد ولا مرة كتبت عن بوست مخصص لتنظيف المكياج! :\
مع ان اذكرها دايما بانستقرام وسناب لكن لازم يكونلها مرجع بالمدونة واعتقد تتفقو معايا لأن كل شي يطير بالسناب والانستقرام وصعب البحث عنهم بعدين.

طريقتي بسيطة مرة عبارة عن خطوتين ومهم عندي جدا جدا اني انظف بشرتي كويس مااخلي ولا نقطة ميك اب حتى لو كنت بقمة التعب والكسل مستحيل انام بمكياجي وإلا بشرتي راح تخرب وتنعدم من ثاني يوم مباشرة :(



 
الخطوة الأولى: ازالة المكياج

الطرق والمنتجات مختلفة وكثيرة كل بنت لها طريقتها اللي تريحها شخصيا مرة احب اشيل المكياج بأي منظف زيتي،
لأنه يسهل تنظيف المكياج بشكل سريع وعملي خصوصا لو كان مكياج فل كفرج يذوبه بسرعة سواء مكياج العين والوجه كله بخطوة وحدة.
زمان كنت اشيل المكياج بالبيوديرما هو جدا ممتاز بس بالنسبة لي مو سريع ولا عملي اجلس وقت طويل امسح ويستهلك قطن كثير.
واللي يحبه البعض المناديل المزيلة للمكياج انا ضدها صراحة ولا مرة جربت نوع الا وحسس بشرتي او طلعلي حبوب
وماانصح احد يعتمد عليها بشكل كلي لتنظيف المكياج ابدا ابدا! اذا مصرة تستخدميها غسلي بعدها بشرتك بغسول منظف
لأن لوحدها ماتكفي ابدا.
نرجع لطريقتي المفضلة اللي هي المزيل الزيتي عندكم انواع وماركات كثييييييير بمختلف الاسعار 
المفضل عندي بلا منازع ماك وكمان بوبي براون وبودي شوب وفيس شوب وبووتس عندهم انواع ممتازة.
طريقة الاستخدام: تاخذي من المنتج ضغطتين او ٣ بيدك وتفركيه بين راحتين يدك وبعدها سوي مساج لكامل وجهك وهو ناشف بدون مويه وافركي العين كمان برقة مع الرموش راح تلاحظي المكياج كله قاعد يسيح.
بعدها بللي يدك بشويه مويه وارجعي كرري نفس الشي عالوجه راح يتحول الزيت الى منظف رغوي خفيف واشطفي وجهك وخلاص. انتهت خطوة ازالة المكياج بس لسا البشرة مو نظيفة! عشان كذا نحتاج نسوي الخطوة الثانية.


الخطوة الثانية: تنظيف البشرة

استخدمي اي غسول يناسب نوع بشرتك واحب مرة استخدم الكليراسونك خصوصا بعد المكياج.
تنظف من قلب!
ممكن تستخدمي اي جهاز او فرشة تنظيف تناسبك وكتبت تجاربي عن الكليراسونك وكلينيك ولونا بتدوينات سابقة تقدرو ترجعو تشوفوها.
الغسول اللي مناسبني حاليا فيشي مناسب للبشرة الدهنية ومرتاحة عليه
بعد ماانظف بشرتي بس اجيب قطنه او عود اذن مع مزيل مكياج عين حاليا استخدم مزيل البابونج من بودي شوب وامسح اذا بقي اي اثار للماسكارا داخل العين وخلاص اتأكد ان كل الميك اب راااح والبشرة تتنفس.

وبعدها لو بسوي خطوة اضافية ممكن احط ماسك بس هذا يكون مرة بالاسبوع او اكمل روتين عنايتي ببشرتي عادي.

وبس شفتو كيف سهلة وسريعة الطريقة! ماتاخذ ٥ دقايق والله.
استخدمو المنتجات اللي تريحكم وتناسبكم المهم تتأكدو ان طريقتكم بتنظيف المكياج فعلا تنظف وماتبقى بقايا للمكياج عالبشرة لأن هذا اللي يسبب حبوب ويخرب البشرة وبعدين تقولو المكياج يخرب البشرة! :(
ممكن وحدة تحط مكياج كل يوم بس تنظفه كويس وتكون بشرتها احلى من وحدة ماتحط مكياج خير شر بس ماتهتم. 

ان شالله تكونو حبيتو البوست واشوفكم ببوست قريب عالاسبوع الجاي تقريبا.

❤❤

Twitter | Instagram | Email
 

9 comments:

  1. انا زيك احلى شيء اعتمده مزيل المكياج الزيت من ماك خسرانه الي ماجربته
    مررره مريح وسريع الماسكرا بثواني تروح
    💕

    ReplyDelete
  2. وفاء حبيبتي ياليت تتكلمي عن غسول فيتشي لاني استخدمه حالياً وبشرتي دهنيه ، واذا طلعت لك حبه ايش تستخدمي

    ReplyDelete
  3. وفاء حبيبتي ماتتخيلين قد ايش ادعي لك على هذه الطريقة ، من ايام الانستقرام ! ،من بعدها ،انا مااستغني عن هالحركة ابداً وخصوصاً ان بشرتي دهنيه ، بس للأسف ماناسبتني فرش كلينك او كلاراسونيك صحيح تننننظف ! بس سببت لي حبوب ونفر بوجهي ، واذا تركتها راحت وكل مارجعت لها رجعت الحبوب :(

    بس يعطيك العافية على نصايحك ، من جد انتي الوحيدة اللي تنجح معي نصايحك بكل قوة ! :)

    ReplyDelete
  4. كل مره بستعمل طريقتك بالزيت حق ماك بدعيلك والله اححححسن مزيل بلا منازع ..

    ReplyDelete
  5. حبيت البوست كتير وفريب من نفس روتيني في ازاله الميكب حتى عود الاذان تسلمي وفاء :)

    ReplyDelete
  6. مساء الخير يا أجمل الجميلات ❤️❤️
    مدونتك جميلة 😍
    استمتع وانا اتفرج عليها واتحمس لكل تدوينة لاني ادري انها بتفيدني 😌

    وعندي باقة كبيره من الشكر لك لانك عطيتني شيء جميل بحياتي والهام للاهتمام والمكياج وحركات البنات الحلوة🤗😂
    وابي اشكرك على طريقة ازالة شعر الوجه بالموس ياختي دعيت لك دعاء الله يتقبل 😭 شعر الوجه الوبري عندي كثيروومره يضايقني والفتلة والواكس تطلع لي حبوب والليزر ابدا مافكرت والموس لو احد غيرك قال ماصدقته 💔شكرا والله وجهي تغيرررررر مررره انقهرت اني ماصورت الفرق 👊🏼😩
    شكرا شكرا شكرا 😍
    أحبك ياجميلة 😍

    ReplyDelete
  7. وفاء وين تكلمتي عن ازالة شعر الوجه الوبري بالموس ؟ عندي كثير و مع اني اشيل ليزر لكن ترفض تشيله لي لانه قريب من العين :(

    ReplyDelete
  8. مراء شكرا حبيبتي وفاء جربت حق ذا فيس شوب التاني البنفسجي مرهه حبييت وسهل لي يمكن خطوتين م التنظيف الي كنت اسويه ف مراا شكرا عيني
    KEEP GOING LOVE U.

    ReplyDelete
  9. انا من سمعت نصيحتك حق المكياج مزيل زيتي ومرره حابة الطريقة ، وفرت وقت طويل علي 👌😍، صوت استخدم مزيل زيتي من ذا فيس شوب و شريت حق ماك لان قرب يخلص ذا فيس شوب و جد مرره اريح 👌😍

    ReplyDelete

Related Posts Plugin for WordPress, Blogger...