Thursday, November 15, 2012

مكياج للمبتدئات بأسعار معقولة ❤ منتجات العين والشفايف Drugstore Makeup Starter Kit Part 2





هذا البوست الجزء الثاني من بوست مكياج الدرج ستور 


الجزء الأول كان عن منتجات الفاونديشن والبشرة واليوم راح أكمل مكياج العين والشفايف

 فيه شيء ثاني للبشرة ماذكرته بالبوست الأول

 بديل درج ستور للفكس بلس من ماك




بخاخ موية إيفيان للبشرة أو فيتامين إي من ذا بودي شوب
ممكن تستخدمينهم كعناية للبشرة بس كمان تستخدم بعد المكياج لو حسيتي إن الوجه باهت أو كثرتي باودر
تخلي الوجه يكون فريش وديوي أكثر بس بخيها قبل ماتحطين الماسكارا والكحل
وإذا بشرتك دهنية زيي أحس ماهي ضرورية بشرتنا خلقة تلمع :\


مكياج العين


البيس

لازم تستخدمين بيس لأن أحيانا ظلال الدرج ستور لونها مو واضح زي الهاي إند
بس مع البيس يخلي اللون أوضح ويثبته أكثر



أحلى بيس بالدرج ستور حق نكس 
وممكن بدل البيس تحطين لون كريمي زي القلم اللي من نكس
اللون حسب الظلال اللي بتسوينها
يعني لو بتسوين سموكي أسود حطي قبله لون كريمي أسود يبينه أكثر
وإذا مكياج ناعم إختاري أبيض أو بيج



الايشادو البودرة



من اللي جربتهم نكس وحبيته
هو باودري شوية بس مع البيس يصير تمام وعندهم ألوان مطفية وبلمعة وتعتبر الأفضل بالدرج ستور

كمان أيشادوز مايبلين اللي زي الباليت المربعة هذه حلوة
والباليت الثانية من مايبلين أتوقع مانزلت عندنا كثير بلوقرز يمدحوها 
بريستيج كمان شادوز حقتهم جيدة


البيجمنت



من نكس حلوة ولها كذا إستخدام 
فيه كمان بيجمينتس من باري إم موجودة ببوتس


الكحل



كل الألوان الأفضل بورجوا وصبايا من مكياجي
 اللون واضح وكريمي ومايحتاج أعيد وأزيد عليه عشان يبان

وأحيانا اقلام الكحل من الدرج ستور تسيح شوية واللي تعاني من هذا الشيء ذكرت مرة نصيحة بتويتر
تحط باودر تحت العين عشان تمنع من إنو الكحل يسيح




الكحل السايل

دورت بالدرج ستور كثير مالقيت شي حلو :(
جربت حق نكس إبعدو عنه فااااشل ومرة ماأنصح فيه أعطيته أخواتي الصغار يتعلمون فيه كيف يرسمون أيلاينر ههههه
بس فيه بنات يمدحون حق إتش ن إم ومحمود سعيد ولوريال



الجل أيلاينر



حتى مابغى أحط خيارات ثانية من كثر ماهو عاجبني مايبلين ههههه
وأحلى من ماك كمان مرة أحبه كريمي وسواده ثابت لحد ماأغسله 
وفيه منه ألوان وتجي معاه فرشة عملية


الماسكارا



الماسكارا لا هاي إند ولا درق ستور محد يتفق عليها لوول يعني جربي كذا ماركة وشوفي إيش أكثر شيء يناسبك
وفيه خيارات كثييييرة وحلوة للماسكارا

الأفضل بالنسبة ليا مايبلين *-* وتحديدا الصفرا فوليوم إكسبرس
بورجوا وماكس فاكتور يمدحوها كثير بس ماناسبوني
ماسكارات بورجوا مرة حلوة فرشتهم بس الفورملا نفسها ماناسبتني تسيح :(
بس أفكر أجربها مرة ثانية وأعطيها فرصة ههههه لأن كثير يمدحوها
ريميل سكاندلايز جربتها مرة حلوة وتكثر وتطول الرموش بشكل فضيع 
ومؤخرا كل ماوحدة أعرفها قالتلي إيش أشتري ماسكارا أنصحها فيها وتعجبها ;)
ماسكارات لوريال ماجربتهم بس حابة أجربهم كثير ميك اب ارتيست يستخدموها خصوصا المليون لاشيز

ولمن تختارين الماسكارا شوفي شكل الفرشة
اللي تكون كبيرة ومدببة هذه تكثر بس ماتطول ، الرفيعة تطول بس ماتكثر الرموش
أحيانا أستخدمهم الإثنين مع بعض ، طبقتين من كل ماسكارا ورا بعض بدون ماتخلين وقت بين الطبقات عشان ماتنشف

وإنتبهي بالدرج الستور أحيانا الماسكارا تكون مفتوحة لا تشتري إلا وحدة مقفولة وجديدة 




الحواجب



البودرة حقة ذا بودي شوب حلوة ولها درجات وتجي معاها فرشة غريبة الأطوار xD
الجل حق مايبلين البني ثابت ويشبه جل الحواجب من ميك اب فوريفر
قلم فييه كثييير وأحس كلها تشبه بعض ويكون شكلها نفس اللي من مايبلين طرف فيه فرشة وطرف القلم
بس لا تختاري قلم أسود حتى لو شعرك أسود خذي لون بني غامق على رمادي أنعم


الفرش



كمبتدئة أنصحك تاخذي الشنطة هذه من مكياجي 
وإذا بس تحبي تاخذي فرش معينة أهم الفرش اللي تحتاجينها للعين البنسل برش وفرشة بزاوية وفرشة دمج من مكياجي أو من سنسي

ممكن الفرشة اللي زي الاسفنجة تؤدي الغرض وتوزع اللون بس ماتدمج




 الشفايف


محددات الشفايف

في كثيير محددات أفضل شيء عندي نكس وريميل


الأرواج



نكس أحلى شيء جربتهم خصوصا المات ثااابتة وماتنشف الشفايف مرة أحبها
أحلى ألوان عندي shocking pink فوشي الأندر تون حقه بارد
tea rose و angel وردي نيود لوني المفضل
perfect red إسم على مسمى ❤.
وكثير ألوان ثانية حلوة وتقارن بالهاي إند أنصحكم وبشدة تجربوها :)
الريفلون ليب بتر كريمية مرة وحلو لونها بس مو مرة تثبت وكل أرواج ريفلون دايما يقولون إنها الأفضل بالدرج ستور
أرواج ريميل المجموعة اللي علبتها سودا أو بنية اللي بالصورة ومجموعة كيت موس مرة حلوة وكريمية وثابتة بنفس الوقت 
 الأنواع الثانية من ريميل مرة ماعجبتني
كمان أرواج لوريال ومايبلين وبورجوا يمدحوها ماجربتهم

والروج عشان يثبت مهما كان نوعه أول شيء أرسمي بالمحدد كل الشفايف 
بعدين حطي طبقة روج وإطبعيها عالمنديل وحطي طبقة ثانية



القلوس



أكره القلوس ماأتحمل أحطه أعععع :|
ماجربت ولا نوع درج ستور غير حق نكس وعجبني 
ويعني يطاق شوية لأنو مايلصق ولا تحسينه كذا مادري كيف لووول



وإن شالله أكون تكلمت عن كل شي :*
وزي ماقلت بالجزء الأول أكيد فيه منتجات ثانية حلوة وماتكلمت عنها بس قلت عن اللي جربته
 ودايما قبل ماتشتري جربي كل شيء عشان تعرفي إذا يناسبك أو لا :)
وبليز لو فيه شيء ثاني بالدرج ستور ماتكلمت عنه تسعدني إضافاتكم بالتعليقات تحت أو بالتويتر





1 comment:

  1. فرش سنسي وين أحصلها ؟

    ReplyDelete

Related Posts Plugin for WordPress, Blogger...