مفضلات أكتوبر October Favorites 2012 M.A.C | TheBodyShop | TRESemmé | Botanics & more..

هاي قيرلز ❤

خلص اكتوبر وخلصت الإجازة :*

ووصلنا لبوست أكتوبر فيفورت ;)

ببدا بفيفورت ميك اب

Mac Mineralize Skinfinish Natural in Medium Dark

 

انا صارلي شهرين رايحة جاية على ماك أبغى هذه البودرة وماألقى درجتي < وكمان أشياء ثانية وكلها مخلصة إلى متى يا ماك -.-

وقبل ٣ أسابيع تقريبا لقيتها الحمدالله وأغرمت فيها ❤.❤ أحلى بودرة وجه جربتها

تثبت الميك اب بدون ماتبين الوجه محنط أو مطفي ولا فيها لمعة بس مادري كيف أوصفها

يعني تعطي تغطية طبيعية مرة ومناسبة لكل البشرات لأنها ماهي مطفية ولا فيها لمعة 

أستخدمها مع فرشة ماك ١٨٧ عشان تكون طبيعية وجمييلة جدا 

وحتى لمن أستخدمها مع فرشة كبوكي برضو تغطيتها طبيعية مرة مرة حبيتها أنصح فيها بقووة

 موجودة بمحلات ماك سعرها حدود ١٤٠ ريال تقريبا

الفيفورت الثاني

اللونين هذه من المناكير ❤.❤

مرة جمييلة ودارجة هالفترة ، اللي من ريميل باذنجاني بلمعة 

والل من كرييشن برغندي لزيز

ريميل تقريبا ٢٠ ريال ، كرييشن ٣٠ ريال

الفيفورت الثالث من مجموعة بوتانيكس من بووتس

Botanics Moisturizing Scrub & Energizing Shower Gel 

المجموعة هذه جربت منهم أشياء الجسم بس وحبيتها مرة ونفسي أجرب أشياء الوجه بس مترددة

اللي جربت أشياء الوجه خصوصا كريم الليل والنهار تقولي عن تجربتها :$

اللي بالصورة العلبة الدائرية هذه السكرب مرة حلو ويرطب البشرة لدرجة ماتحتاجين لوشن بعده 

شوفو صورته من جوا عاليسار فيه حبيبات تقشير خفييفة مرة ويحتوي على زيت بذور العنب
 لمن تفركينه عالجسم يسوي سكرب ويرطب بنفس الوقت

الشاور جل مو واو بس حلو أخذته لأن المجموعة عليها عرض أخذت السكرب وزبدة الجسم والشاور جل مجانا

زبدة الجسم ماجربتها أعطيتها ماما بس شكلها حلوة

عموما مجموعة بوتانيكس كلها حبيتها وناوية أجرب من أشيائهم أكثر خصوصا وإنها مصنوعة من نباتات وأشياء طبيعية ❤

تلاقوها بصيدلية بووتس وسعر السكرب ٣٥ ريال 

والشاور جل طلعلي مع العرض مجانا بس أتوقع سعره تقريبا ٢٠ ريال

الفيفورت الرابع برضو للجسم 

The Body Shop White Musk Blush Lotion & Eau De Toilette

ريحة المجموعة من هذه أحلى المجوعات عندي من ذا بودي شوب < من بعد مجموعة البرتقال xD

ناعمة وباردة ونظيفة ❤.❤ أحب فيها ريحة المسك بس هذه جاية على ورد وأنثوية

ومناسبة بالخريف والشتا

الفيفورت الخامس للشعر

TRESemmé Moisture Rich Conditioner 

 

تريسمي من أحلى ماركات الشعر القهر إن مو كل منتجاتهم عندنا ماني عارفة ليه :(

زمان جربت سبراي تثبيت الشعر حقهم أحلى من لوريال بمية مرة وماله ريحة مزعجة 

وسبراي الحماية مرة أحبه ولا يمكن أستغني عنه وعندهم منتجات كثيرة نفسي أجربها

 والشامبو والكونديشنر من عندهم يقارنو بجودة الماركات البروفيشينال

وتعتبر عندي أحسن ماركة درق ستور للشعر

الكونديشنر هذا ليش من الفيفورت؟ 

لأني أغسل شعري بالشامبو مرة بالأسبوع وبقية الأيام أغسله بكونديشنر بس

راح أسوي بوست عن نظام الشعر الكيرلي بس المفروض بهذا النظام إنه يكون الكونديشنر مافيه سيليكون

 وهذا الكونديشنر بيرفكت مافيه سيليكون وينظف الشعر تماما بدون مايجففه زي الشامبو 

وخصوصا للشعر الكيرلي يرطب الشعر ترطيب جميل ويخفف الـ frizz

ومرة أحب ريحته ❤

       

موجود بكل الصيدليات والهايبر ماركتس وسعره ٣٠ ريال والعلبة مررررة كبيرة ٩٠٠ مل تجلس عندك للأبد xD

أخر فيفورت

زيت فواحة من سنتر بوينت طبعا بالبرتقال p;

ريحتها منعششة وجميلة تخليني أحب أجلس بالغرفة لمن أحطها ❤.❤

 وزيوت الفواحة من سنتر بوينت كلها تعجبني وعندهم روايح كثيرة حلوة

سعرها ماني فاكرة بس أقل من ٢٠ ريال 

وبس هذه الفيفورت لشهر أكتوبر إن شالله عجبتكم :*

لا تنسو تشتركو بالمدونة إضغطو على Join This Site 

وتابعوني ع تويتر أكتب نصايح ميك اب وشعر وغيرهم

https://twitter.com/WafaA7med

وإذا عندكم أي سؤال إسألوني عالفورم

 http://www.formspring.me/WafaA7med