Thursday, November 8, 2012

مكياج للمبتدئات بأسعار معقولة Drugstore Makeup Starter Kit




الميك اب بميزانية محدودة أبدا مايعني إنه مو حلو
بالعكس ممكن أسوي لوك مكياج كامل من إلى وكلها منتجات درج ستور ويطلع ميك اب محترف ومرتب
السر بالإختيار الصح وطريقتك بالميك اب ولا المنتج نفسه مايفرق

مثلا وحدة ماتعرف تختار صح وأخذت فاونديشن هاي إند زي غيرلان
بس درجة جدا فاتحة ومو على نوع بشرتها راح يبين مقرف عليها حتى لو إنه غالي وهاي إند :)

وبعض ماركات الدرج ستور تكون من نفس شركة الهاي إند وعندهم نفس المنتجات الفرق بس بالتعليب وأشياء صغيرة
زي شانيل مثلا من ضمن شركة بورجوا :)
وأساس هيلثي ميكس كثير يحلفون إنه نفس واحد من أساسات شانيل المنقطعة
وفيه شبه كبير بين الماركتين خصوصا بالبلاشز وهذه أنا لاحظتها 

يعني بعض منتجات الهاي إند تكون بس للرفاهية وشكل تعليبها حلو
والدرج ستور ماتفرق كثير عنها ، طبعا مانختلف إنو فيه منتجات هاي إند جودتها أعلى وسعرها فيها 
بس قبل مانشتريهم كمبتدئات نتعلم أول شيء كيف نختار صح ونعرف اللي يناسبنا

القهر إن الدرج ستور بأمريكا وأوروبا أحلى بكثييير من عندنا ودايما متجدد وينزلون كولكشنات
أحس لو أشتري من هناك ماعاد أحتاج شيء هاي إند مررة خيارات وماركات كثيرة وأرخص من هنا كمان :(
بس إتز أوكي نشوف إيش الأشياء الحلوة واللي متوفرة عندنا p;

راح أتكلم عن كل شيء نحتاجه لميك اب كامل فاونديشن باودرز شادوز أرواج 
وكله من الدرج ستور وممكن تشترينهم بأقل من ٥٠٠ ريال  
وراح أقسم البوست لجزئين هذا الجزء مخصص لروتين الوجه فاونديشن - بلاشرز - برونزر
والجزء الثاني راح يكون عن العين والشفايف



أول شيء ودايما أقول مستحيل يبين المكياج حلو بدون بشرة نظيفة وحلوة
يعني مو لازم تتعبي نفسك وتشتري ميك اب إذا ماتهتمي ببشرتك 
وتكلمت ببوست سابق عن أساسيات العناية بالبشرة هنا



البرايمر:


ممكن بعض البشرات خصوصا العادية والمختلطة/الجافة والجافة ماتحتاج لبرايمر والكريم المرطب جدا كافي قبل الفاونديشن
بس البشرة الدهنية أحس لازم برايمر 
من البرايمرز الحلوة اللي شوفتها من لوريال ونكس


برايمر بودي شوب وأنا أسوي سيرش شوفته حسيته حلو بشوف إذا موجود عندنا وأجربه *-*
وفيه ماركات أكثر زي ريميل وبورجوا وريفلون عندهم برايمرز ثانية 
بس ماني متأكده إذا موجودة عندنا أو لا إذا كانت موجودة طبعا جربيهم كلهم وشوفي الأحسن

طريقة البرايمر إنك توزعي كمية قليلة بالتربيت بأصابعك عالمناطق الدهنية الأنف والخد والدقن والجبهة

 

الأساس



أساس بورجوا رائع بالنسبة ليا ويقارن بماركات هاي إند :)
عندي منه ٣ درجات وأحبه ولو خلص راح أشتريه مرة ثانية
اللي غطايته سودا healthy mix للبشرة العادية المختلطة ويناسب الدهنية 
أما اللي غطايته حمرا healthy mix serum يناسب البشرة الجافة
الدريم موس من مايبلين شخصيا ماأحبه بس ممكن يعجبك ، يناسب اللي تحب تغطية خفيفة ومطفية ومايحتاج باودر
أساسات ريفلون ولوريال ماجربتهم بس كثير يحبوهم ويمدحوهم عشان كذا حطيتهم
ريفلون colorstay فيه منه نوع مخصص للبشرة الدهنية ونوع للبشرة الجافة 
 ريميل عندهم أساس بس ماأتوقع نزل عندنا إسمه wake me up 
قريت عنو ريفيوز حلوة ونفسي أجربه بس أعتقد إنه يشبه حق بورجوا

 توزيع الأساس بأصابعك لو ماتحبي تغطية ثقيلة
ولتغطية أثقل إستخدمي إسفنجة مثلثة رطبة ممكن تلاقيها بمحلات المكياج العادية وسعرها جدا معقول

 وإذا حبيتي أساس بتغطية خفيفة وصباحية جربي البي بي كريم من غارنييه 
أو أخلطي نقطة أساس مع كريمك المرطب زي الطريقة اللي تكلمت عنها بهذا البوست هنا


الكونسيلر

هنا الشغل xD
 الكونسيلر لازم تختاري درجة ونوع صح عشان يطلع حلو



 كونسيلر بورجوا حلو بالتغطية سائل على كريمي
كونسيلر ريفلون تغطيته أثقل ولازم يكون نفس درجتك ودرجة الأساس

النوعين هذه من الكونسيلر ممكن تستخدم تحت العين أو على أثار الحبوب وحوالين الأنف لتغطية العيوب
إستخدمي إصبعك لتوزيعه أو فرشة مسطحة وشعرها صناعي عندي من الدانوب مرة بيرفكت للكونسيلر وسعرها يابلاش

بعده إضاءة وهذا شيء إختياري بس يعطي إفكت حلو وينور تحت العين 


إستخدمي كونسيلر اللي مخصص للإضاءة ويكون أفتح بدرجة أو درجتين 
زي رولر غارنييه أو الإضاءة من بورجوا حلوين وتشبه فكرة إضاءة إيف سان لوران

وزعيه تحت العين وعلى عظمة الأنف وفوق الشفايف وإدمجيه بإصبعك
أكيد فيه كونسيلرز من ماركات ثانية بس ماتكلمت عنهم لأن لازم أجربهم قبل 
زي ماقلت الكونسيلر شيء مهم واللي تكلمت عنهم جربتهم وحبيتهم



الباودر

 


stay matte من ريميل مرة حلوة وخفيفة وتثبت الفاونديشن بدون ماتبين الوجه محنط
باودر بورجوا وريفلون تغطيتهم جميلة وأثقل من ريميل 
يعني ممكن تستخدميها بدون أساس بس مع كريم مرطب وتغطي تغطية خفيفة
بودرة صبايا من مكياجي تنفع كبودرة مضغوطة

توزيع الباودر إذا كنتي تبغينها بس لتثبيت الأساس إستخدمي فرشة باودر كبيرة وبخفة وزعيها عالوجه 
الفرشة ممكن من مكياجي أو بودي شوب أو سنسي كلها أسعارها معقولة

 لتغطية أثقل إستخدمي الإسفنجة البف المدورة برضو من مكياجي جميلة جدا وأحبها

كل الفاونديشن أساس كونسيلر باودر لازم تكون بنفس لون بشرتك 
وبما إنه الدرجات محدودة بالدرج ستور حاولي تاخذي أقرب لون 
لأن مافيه أسوء من إن وجهك يبين لون وجسمك لون ثاني!!



البلاشرز





فيه خيارات كثيرة بالبلاش وتقريبا أغلب ماركات الدرج ستور فيها بلاشرز حلوة
بلاشرز نكس دايما عليها ريفيوز يمدحوها وعندهم درجات كثيرة وبلاشرز باودر أو كريمية
بلاشرز ريميل مرة أحبها وشكل علبتها يعجبني لول
بلاشرز بورجوا جميلة وفيها لمعة حلوة ودرجة اللون هذه lilas d'or blush #33 مرة تشبه نارس أورقازم
بلاشرز ولمعات بودي شوب مررة حلوة
وفيه غيرهم ماركات ثانية زي ماقلت يعني أحس البلاشر ماراح تحتاري فيه

ممكن تحتاجي لون واحد أو لونين حسب درجة بشرتك
اللي تناسب أغلب البشرات يكون مشمشي على وردي أو وردي على بني فاتح
توزيع البلاش يكون بفرشة ممكن تستخدمي نفس فرشة الباودر أو أصغر شوية 



البرونزر




ماجربت كثير وصعب تلقين برونزر بيرفكت بالدرج ستور 
برونزر نكس حلو لأنه مطفي وممكن تستخدمينه كـ كونتور
برونزر بورجوا جميل مع إنه مو مطفي بس مافيه لمعة وهذا اللي يخليه حلو
عيبه إنه مايناسب كل ألوان البشرات وإنو شوية أورنجي 
 أعتقد فيه برونزرات ثانية من بورجوا غير اللي بالصورة يمكن تكون أحلى
برونزرات ريفلون ومايبلين يمدحوها
أختي عندها برونزر حلو وأنصح فيه من  زهور الريف مالو إسم بس عليه صورة شمس

حاولي تختاري برونزر مايكون بلمعة وإختاري لون أغمق منك بدرجتين
توزيع البرونزر بنفس فرشة الباودر


الكونتور والهايلايت


هذا شيء إختياري بس اللي حابة تسويه 
ممكن تستخدمي برونزر مطفي أو بودرة تثبيت بس أغمق منك بدرجتين
أو شادو بني على رمادي فيه من نكس 
الفرشة اللي تستخدميها للكونتور تكون أصغر من فرشة الباودر

الهايلايت من بودي شوب بلاشر بلمعة فاتح وينفع كهايلايت
أو إستخدمي شدو فاتح بلمعة ممكن على وردي أو ذهبي اللي يناسبك
توزيع الهايلايت ممكن بإصبعك أو فرشة صغيرة



فيه ماركات ذكرتها زي مكياجي وبودي شوب وزهور الريف وسنسي
 ماتعتبر درج ستور بس برضو أسعارها معقولة صح p;


وكذا خلصنا روتين الميك اب للوجه وبالبوست الجاي راح أكمل الشادوز والماسكارا 
وكل منتجات العين والشفايف من الدرج ستور :)



بس أبغى أذكر نوت صغيرة ماأحب أقول مثلا إن هذا المنتج هو الأفضل ولا تشترو غيره
لأن ممكن يناسبني بس مايعجب غيري وممكن العكس عشان كذا دايما أقول جربو بنفسكم وشوفو اللي يناسبكم :)
صح أمدح برودكت معين بس مو معناته إنه الأفضل مستحيل أعرف إيش الأفضل إلا إذا جربت كل شيء بالدنيا
عشان كذا بليز لحد يسألني إيش أفضل ..... :$


إن شالله حبيتو البوست وإستفدتو

ولا تنسو تشتركو بالمدونة إضغطو على Join This Site اللي عاليمين

وشاركوني تعليقاتكم وإقتراحاتكم :*

10 comments:

  1. يعطيك العافيه وفاء ♡ عاد صايره احب ميك اب الدرق ستور هالفتره ! والله فيه اشياء جميله وتنافس الهاي اند ، نايس بوست *.*

    ReplyDelete
  2. you are great & when i start reading this post i was thinking like (huuummmm i should give it a try)
    thank you s much honey

    ReplyDelete
  3. Keep on working, great job!

    Feel free to visit my blog post - vegetarian cooking

    ReplyDelete
  4. الله يعطيك العافية
    أنا اشتريت الشهر اللي فات كريم أساس بورجوا كتجربة وطلع حلو وكنت مترددة جدا أشتري الكونسيلر ولا لأ
    كان نفسي ألاقي أحد يمدحه وشجعتيني عليه
    أول مره في حياتي أشتري كريم أساس من الدرق ستور فعشان كدا كنت متخوفة من التجربة
    بس في الأخير غامرت وطلع حلو
    بس عندي سؤال الهايلايتر آخده أفتح بدرجة ولا نفس لون كريم الأساس والكونسيلر؟؟

    ReplyDelete
  5. صحيح استخدمتالبرايمر تبع بودي شوب
    جيل جدا وخفيف ع البشرة
    ويستاهل التجربة

    ReplyDelete
  6. الله يوفقك حبيبتي

    ReplyDelete
  7. رائعه ماشاء الله عليكي ��

    ReplyDelete
  8. يعطيج العافية و الله يوفقج

    ReplyDelete
  9. يعطيج العافية و الله يوفقج

    ReplyDelete

Related Posts Plugin for WordPress, Blogger...