Thursday, February 28, 2013

كولكشنز ماك الجديدة + شوية مشتريات Crying Over MAC Stereo Rose MSF :(




البوست حيكون كله رغي عن مجموعات ماك وشوية فضفضة لأني حزينة :( 
لول هو موضوع تافه بس إنقهرت شوية

صارلي أكثر من شهر أستنى كولكشن Apres Chic من ماك تنزل عشان الهايلايتر ستيريو روز
هو repromoted يعني كان نازل قبل بكذا كولكشن والناس الماكيين يعرفون قد إيش هذا الهايلايتر مشهور وأخذ ضجة ودايما يخلص بسرعة حتى الهايلايتر الثاني بورسلين بينك برضو كان نازل وعليه ضجة بس ماكنت أبغاه
المهم أول ماسمعت إن الكولكشن نزلت عندنا رحت عشانه وكانت الصدمة الكبرى إنها قالتلي مانزل عندنا وماراح يجي وحاطين بداله قولد ديبوزيت وبدال بورسلين بينك حاطين سوفت ن جنتل!!! ليييييش طيب يا****!!! :((
ممكن يكون بس بالفروع المعفنة اللي عندنا فاللي تلاقيه تجيبلي هوا وأنا أرسلها فلوس لووول < يب وصلت لهذه الدرجة xp


إن شالله ينزلوه بالكولكشن الدائمة أو يرجعوه بكولكشن قريبة :(
طيب خلاص lets move on

الكولكشنز نزلت يوم الثلاثاء اللي قبل أمس 

MAC Apres Chic Collection for Spring 2013
 


ومعاها pressed pigments وصور وأسماء المنتجات تقدرو تشوفوها هنا
الكولكشن ألوانها ربيعية جميلة وكلها معدنية وفيها لمعة ومنزلين فيها منتج جديد بماك اللي هوا mineral lip balm 
يعني هو حلو بس مو واو مجرد ليب بالم بلون خفيف وترطيب ولمعة وحتى حسيته أقرب للقلوس!

أنا حبيت البلشز بشكل خاص وأخذت جنتل Gentle لأنه برضو كان نازل بكولكشن قديمة وكثير بيوتي بلوقرز عجبهم



نوعه mineral blush وفيه لمعة أحب هذا النوع من البلشز بماك لونه توتي مع لمعة ذهبية جربته أمس مررررة حبيته
وحسيته ممكن يليق على أغلب البشرات

كمان البلشز الثانية عجبوني خصوصا Alpine Bronze بس ماأخذته لونه برونزي جميل وأحسه بيرفكت مع التان!

البريسد بيجمنت ظلال بلمعة ممكن تستخدم جافة أو مع موية وتعطيك ميتاليك فينيش يعني معدنية وفيها لمعة أنا مو مرة أهتم بالأيشادو ماجربتها!


الكولكشن الثانية 

 MAC Strength Collection for Spring 2013




وهذه صور وأسماء منتجات الكولكشن هنا

صراحة عادية وأقل من عادية الحلو فيها الأرواج بس حتى مو كلهم ثلاثة بس وإثنين منهم كانو بكولكشن الربيع اللي فات

اللي كانو بالكولكشن اللي فات pink penguin و party parrot وإذا سويتو سيرش عليهم راح تشوفو سواتشات وهرج كثير لوول
بينك بينقوين لونه فوشي بارد فاقع جميل لو ماعندك لون شبيه فيه جربيه..

بارتي باروت مررة حبيته من كولكشن السنة اللي فاتت ولمّا نزل بهذه الكولكشن ماترددت على طول أخذته
 لونه مميز وكأنك دمجتي بين روج costa chic و impassioned من ماك مادري أنا حسيته كذا بس هذا لونه مطفي 



لونه جميييييل مرة عشقته اللي تحب الأرواج الفاقعة لا يفوتها *-*

اللون الثالث اللي كثير حابينه برضو strong woman لونه بنفسجي شخصيا مو مرة حبيته فماأخذته

هذه سواتشات للأرواج كلها اللي حاب ياخد فكرة عنها هنا




الكولكشن الثالثة 

MAC Prep + Prime Beauty Balm SPF 35 Collection



كولكشن Prep + Prime نازل فيها برايمرز للوجه والعين والشفايف والرموش وهايلايترز وباودر تثبيت شفافة

ونزل البي بي كريم حق ماك
كثثير ناس متحمسين عشانه إلا أنا لووول
هوا نزل ككولكشن بس راح يجلس على طول ماراح يكون ليميتيد يعني قاعدلنا على طول xp

حسب الريفيوز البي بي كريم شبيه جدا بكريمات البي بي الأسيوية
ويقولون إنه واقي شمس وبرايمر وكونسيلر وفاونديشن ومرطب بوقت واحد 
يعني بي بي كريم من جد مو زي بقية البي بي كريمز لوول
نسبة ثباته عالية وفيه ناس إعتبرته البي بي كريم المفضل عندها.

أنا جربته اليوم الصباح على وجهي بالمحل تغطيته مرة حلوة مقارنة ببقية البي بي كريمز اللي جربتها
ماإحتجت إني أثبته بباودر بمجرد ماوزعته حسيته إندمج مع البشرة ولا إحتجت كونسيلر معاه.
حبيته كأول إنطباع وأكيد لو خلصت البي بي كريم اللي عندي راح أخذه
 عيوبه الدرجات كلها الثلاثة فاتحة يعني اللي درجتها nc35 وفوق يمكن تكون فاتحة عليها بس أكيد أتوقع ماك حينزلو درجات أغمق.
اللي أكثر شيء حابينه الناس وعليه ريفيوز بهذه الكولكشن هوا الكومباكت بيوتي بالم 
تعطي نفس نتيجة البي بي كريم بس الكومباكت كريمية أكثر وتغطيتها أعلى!

وبس هذه كانت مشتريات ماك كنت حابة كم غرض زيادة بس أععع كل شيء مخلص -.-


سعر الروج ٩٨ ريال والبلش ١٣٠ ريال



وخلصنا من كولكشنز ماك وعندي مشتريات بسيطة نزلتها بإنستقرام بس حابة أنزلها بالبوست بالمرة xp

من سالي هانسن بأيكونيك فرع هيفاء مول بجدة




أخذت مقوي الأظافر وبخاخ الجسم وتوب كوت ومناكير من ريميل

المشتريات كانت يوم الإثنين اللي فات وجربت المناكير مع المقوي والتوب كوت بنفس اليوم ومرة حبيتهم لليوم الخميس اللون لسا زي ماهوا ولا تقشر والتوب كوت أعطى لمعة جميلة ويخلي المناكير ينشف بسررررعة!!


البخاخ أنا مجربته من قبل تقريبا أحلى منتج لمكياج الجسم لأنه يغطي العيوب ويعطي لمعة ومايروح بالموية ولا يطبع بالملابس 
 أخذت درجة light glow حاليا وبالصيف عادة أخذ  medium tan أو dark tan

إنبسطت إنو ماركة سالي هانسن صارت موجودة عندنا وراح أرجع أخذلي مناكيرات وأشياء ثانية من عندهم كل منتاجتهم للأظافر جميلة ❤ 

البخاخ سعره ٧٥ ريال
المقوي والتوب كوت ماني فاكرة بس كل واحد فيهم أعنقد من ٢٥ - ٣٥ ريال
المناكير بعد التخفيض ١٧ ريال

وكمان أخذت عدة المناكيير من مكياجي لأن أكثر شيء يضيع عندي القصاصات ومبرد الأظافر مادري فين تختفي :/ 
حسيت فيها كل شيء ممكن أحتاجه للأظافر وفيها ملقط ومقص للحواجب
  وسعرها حلو ب ١١٩ ريال




وأخر حاجة هدية جميلة من محل PaperMoon لتغليف الهدايا أشكرهم عليها



عبارة عن علبة صغيرة شكلها كيوت وبداخلها كروت وظروف جميلة وألوانها رايقة حبيتها!

المحل مكانه بمركز المنتزه بجدة أول مرة أروحله وأخذت جولة سريعة فيه مرة حبيت شغلهم وعلب الهدايا عندهم :*



وبس إن شالله حبيتو البوست وال small haul 
Love you all :**



2 comments:

  1. استمتعت بقرأت هذا البوست
    تتهني في مشترياتك يارب

    ReplyDelete
  2. Hey there! Do you know if they make any plugins to assist with SEO?

    I'm trying to get my blog to rank for some targeted keywords but I'm
    not seeing very good success. If you know of any please share.
    Many thanks!

    Feel free to visit my web site: Mitoslim examen

    ReplyDelete

Related Posts Plugin for WordPress, Blogger...