Review | Swatches: The Body Shop Winter Makeup Collection 2013 ريفيو لمجموعة مكياج الشتاء من ذا بودي شوب

ذا بودي شوب رسلولي كولكشن الميك اب الجميلة للشتاء وحبيت أسوي ريفيو للبرودكتس وراح أقولكم رأيي عنها وإذا تستحق التجربة أو لا!

بشكل عام حبيت الكولكشن جداً وتحمست وأنا أجربها ، حسيتها كلها فيها لمعة و shimmery وعالموضة لأن مؤخراً الظلال اللميعة واللوكات الديوي منتشرة كثير ولو كنتِ تحبي الألوان المطفية بالشادو والأرواج يمكن ماتعجبك الكولكشن بس مايمنع إنك تجربي ;)

بودرة لميعة للجسم والوجه

فيها لونين ذهبي وبرونزي ولما تدمجيهم مع بعض تعطيك لون شامبين جميل ولمعتها خفيفة بدون قليتر
حلوة للجسم وممكن تستخدم كهايلايت لعظمة الخد.

وهذا سواتش للونها ولمعتها

تعجبني هايلايترز ذا بودي شوب ونصحت فيها ببوست الميك اب بميزانية محدودة لأن جودتها زي الهاي إند بس سعرها متوسط.


الفرشة الكبوكي ناعمة جدا وأحلى إستخدام لها لدمج الميك اب بالنهاية أو توزيع الباودر بشكل خفيف عالبشرة.

اللمعة اللي سحرتني *-*

شكل العلبة مرة كيوت! هي لمعة بقليتر ناعم وخفيف ولها ريحة جميلة زي واحد من عطور ذا بودي شوب بس ناسية إيش!
 تنفع للجسم والوجه والشعر مررة حبيتها للسهرات خصوصا بالرجول والأكتاف.

الأرواج

فكرتها زي lip butters من ريفلون يعني روج و lip balm بنفس الوقت بس تثبت أكثر من حقة ريفلون!
ونوعها برضو قريب من lustre من ماك لأنها كريمية وفيها لمعة تعطي ترطيب خفيف وماتحتاج قلوس معاها.

وهذا سواتش للألوان اللي عندي

 

حسيتها ألوان صباحية حتى الأحمر ممكن ينفع بالصباح مع مكياج ناعم واللون اللي بالنص مرة حبيته راح أكرفه كثير لول

أقلام الكحل

أنا بشكل عام ماأحب أقلام الكحل! أفضّل الجل أيلاينر أكثر بس اللي أحبه بأقلام ذا بودي شوب إنها تنفع للعيون الحساسة..
 ماما من سنين ماتستخدم غيره لأن عيونها حساسة.
الأقلام كريمية ولونها واضح وثباتها متوسط حبيت بشكل خاص الكحل البني إستخدمته لتحت العين وأعطاني لوك ناعم.

باليتات الأيشادو

أربعة أيشادوز بكل باليت واحد بألوان دافئة والباليت الثاني بألوان باردة
وفيها مراية ومع الباليت تجي فرشتين صغيرة وبنفس العلبة من ورا فيها شرح مبسط للمبتدئات كيف طريقة توزيع الأيشادو.

الفرشتين بشعر صناعي ناعم تنفع مع الشادو الكريمي أو الجل أيلاينر وبيرفكت للحواجب بس ماتنفع لتوزيع الشادو الباودر.

الباليت أول مافتحتها حسيت لمعتها قوية وماراح تعجبني بس لمّا جربتها على عيني لمعتها ناعمة وخفيفة
جودة الشادو حلوة ماتتناثر وماهي باودري أبدا وسهلة بالدمج ، لونها واضح وراح تشوفوه بالسواتش
وبشكل عام حسيتها باليتات عملية وألوانها متناسقة وتستحق الشراء جدا لو ماعندك باليتات بألوان ترابية.


الباليت بالألوان الدافئة

هذه حبيتها أكثر من الباليت الثانية لأني أحب الألوان الدافئة! ألوانها صباحية ومرة عجبني اللون اللي عاليسار تحت.

الباليت بالألوان الباردة

ألوانها أغمق وتنفع بالسهرات وممكن تسوي فيها سموكي ناعم.


وهذا لوك صباحي إستخدمت فيه الباليت الأولى ومن جوا العين إستخدمت الكحل الأسود.

وبس إن شالله حبيتو الريفيو :*
وإذا جربتو الكولكشن قولولي إيش أكثر شيء عجبكم p;

Love you all <3