Thursday, May 23, 2013

Review: Burt's Bees Tips and Toes Kit ريفيو: مجموعة بيرتز بيز للعناية باليدين والقدمين من متجر فانيلا







قبل كم شهر طلبت هذه المجموعة الجميلة جدا من متجر فانيلا وكنت متحمسة توصلني 
هذا رابط الطلب من المتجر وحقيقة إهتمامهم وتعاملهم جدا راقي وتوصيلهم سريع

ماركة بيرتز بيز معروفة بإن منتجاتها طبيعية وصديقة للبيئة ومرة كنت حابة أجربها لأني قريت ريفيوز حلوة عن كريم اليد ومرطب الشفايف ولقيت الكت جدا مناسبة عشان أجربهم، حاطين فيها كذا منتج بأحجام معقولة وسعر حلو.


راح أبدأ أتكلم عن كل منتج بالتفصيل وإيش اللي حبيته من الكت.

Lemon Butter Cuticle Cream


زبدة بالليمون تستخدم للكيوتيكلز حوالين الأظافر تشبه منتج Lemon Flutter Butter من Lush تكلمت عنه قبل كذا بس حبيت هذه الزبدة أكثر!
أول شيء ريحتها منعشة وجميلة أعشق ريحة الليمون السويت *-* حقة لش ريحتها كأنها زنجبيل مو ليمون :\
 ماأحتاج إلا نقطة صغيرة بكل إصبع وأسوي مساج لمنطقة حوالين الظفر وعلى طول أحس بالفرق ومع الإستمرار بشكل يومي تلاحظين النعومة والترطيب بهذه المنطقة خصوصا اللي يدها جافة والكيوتيكلز عندها تتقشر *نفس حالتي :|*
اللي حبيته بهذا المنتج أكثر من حق لش إنه مايدبق وريحته أحلى بس بالترطيب شبيهين لبعض
تقريبا هذا أكثر منتج عجبني بكل الكت وأكيد راح أشتريه مرة ثانية :)


Almond Milk Beeswax Hand Cream


كريم  لليد يحتوي على زيت اللوز وفايتمن E وشمع العسل ترطيبه غني ويناسب اليد الجافة
مرة حبيته من الكريمات الجميلة لليد وترطيبها يدوم أحب أستخدمه قبل ماأنام لأنه يدبق بس لمن أصحى يدي تصير مرة ناعمة ومترطبة وأهم شيء ريحته جميلة ماتزعجني قبل ماأنام
له بدائل زي كريم مرطب ذا بودي شوب العلاجي بس برضو ممكن أشتريه مرة ثانية.

 
Thoroughly Therapeutic, honey and grapeseed oil, Hand Cream


كريم ترطيب لليد حلو وعجبني بس مو واو لأني ماحبيت ريحته :/
جدا قوية وزي الأعشاب مادري كيف أوصفها بس ماحبيتها واللي ماتهمها الروايح ممكن جدا يعجبها لأن ترطيبه حلو وخفيف مايدبق ويناسب الإستخدام اليومي برا البيت وحلو تخلينه بالشنطة
حسيته يشبه كريم نيتروجينا لليد بالنوعية وماراح أشتريه مرة ثانية أفضل حق نيتروجينا أكثر.


Hand Salve


مرهم للبشرة الجافة وشديدة الجفاف حبيته جدا بس ماأستخدمه كثير لليد أحب أستخدمه لكعب القدم يرطب ويعالج الجفاف ووينعم المنطقة بشكل فوري يستحق الشراء والتجربة وممكن أشتريه مرة ثانية.


Coconut Foot Cream


حقيقة مو أحلى كريم للأقدام جربته بس مو سيء حبيته، ريحته زي جوز الهند أحبها الريحة
وترطيبه متوسط عشان كذا أستخدم بعده المرهم
ماأعتقد إني راح أشتريه مرة ثانية.


Replenishing Lip Balm


مرطب للشفايف بزيت الرمان جميل وترطيبه حلو  عجبني
فيه لون خفيييف جدا مايل عالأحمر وطعمه لزيز
أنصحكم تجربوه وراح أشتريه مرة ثانية.


وبشكل عام المجموعة رغم إنو فيه منتجات ماعجبتني بس حبيتها وإستمتعت بتجربتها وحببتني بماركة بيتز بيز وتحمست أجرب بقية منتجاتهم خصوصا للشعر حسيتها جميلة أحب منتجات الشعر الطبيعية! *-*

وإن شالله يكون عجبكم الريفيو وشاركوني برأيكم بالمنتجات لو جربتوها :*




5 comments:

  1. انا جربت التنتت لب بالم الأحمر والكورال مرا حلو للايام اللي تحسي تبغي لون خفيف وترطيب بدون ماتحطي ليب ستيك
    مرا حلو البوست يعطيكي العافية :-)

    ReplyDelete
  2. مساء الخير
    عاد تصدقين امس شفت لي فيديو عن وحده تتكلم عن وحده من ذي المنتجات .. صارت عيوني لما شفتك كاتبه عنها :P
    يسلم دياتك

    ~ توافيق

    ReplyDelete
  3. ي حلو مواضيعج احب اتابعج :)
    خاطري اجربها وانتي مشاءالله كفيتي ووفيتي بطرح

    ReplyDelete
  4. السلام عليكم في حساب بالانستقرام يوفر منتجات بيرت بيز ب80 ريال هذا حسابهم @desertroseusaksa وفي شيء حبيته فيهم الطلب يوصل بنفس اليوم وكمان اذا طلبت اشياء كثيرة التوصيل مجانا وهم الوكيل الحصري لبيرت بيز في السعودية

    ReplyDelete
  5. Love the kit, especially the coconut foot creme, I used it before go to bed, and my feet became very smoothy when I wake up the next morning! The lip balm smells yum! And almond milk hand creme works just perfect! A little of everything, I love it!I purchased this for $9.83 here

    ReplyDelete

Related Posts Plugin for WordPress, Blogger...