Tuesday, February 25, 2014

Confessions of a M.A.C.aholic: My Top 6 Blushes ❤ إعترافات مدمنة ماك: أفضل ٦ بلشرات من ماك









نكمل سلسة ماك وراح أتكلم اليوم عن بلشراتي البودرة المفضلة بماك،،
ومو معناتو إنو هيا الأفضل بس هذه أكثر ألوان أحبها وتناسب بشرتي ونصحت فيها صحباتي وقريباتي ومرة حبوها..
وكلها موجودة على طول بالمجموعة الدائمة ومتوفرة بفروعنا إن شالله ❤

بلشرات ماك بشكل عام صبغتها قوية وثباتهم عالي.. 
المطفية منهم جدا ناعمة وتندمج بشكل جميل عالبشرة واللميعة تعطي نضارة بدون ماتبين أوفر.


في البداية راح أشرح بشكل مبسط أنواع البلشرات البودرة من ماك عندهم ٦ أنواع:

Frost نوع فروست
فيه لمعة ناعمة وبسيطة عاكسة للإضاءة 

Matte نوع مطفي
بلاشر مطفي بدون لمعة صبغته قوية وأحسه أكثر نوع ثابت

Satin نوع ساتين
مو مرة مطفي ومو شيميري جاي بالنص 

Sheertone نوع شيير تون
تقريبا مطفي بس صبغته مو مرة قوية والباودر نفسها مرة ناعمة وأكثر نوع يندمج مع البشرة ويبين طبيعي

نوع شيير تون شيمر Sheertone Shimmer
نفس فكرة الشيير تون خفيف وطبيعي بس فيه شيمر بسيط

نوع مينيرلايز Minerlize 
المينيرلايز تقريبا أكثر نوع لميع وفيه شيمر ملحوظ على ذهبي أو لؤلؤي
وشكله يختلف عن البلاشر المضغوط العادي لأنه مخبوز وسعره أعلى شوية من البلاشر العادي
يعطي لمعة تبين ديوي للبشرة ولون قوي.


ودحين راح أكتب عن كل لون لوحده وبعده أحط السواتشات مع أساميهم..


MAC Mineralize Blush in Gentle

نوعية المينيرلايز بماك مرة أحبها!!! فيها شيمر ولمعة إذا حطيتيها مايحتاج تستخدمي هايلايت فوقها وتعطي نضارة للبشرة،، حلوة بالصباح أو المسا
واللون هذا مرررررة جميل كرزي وردي دافي بشيمر ذهبي ويناسب كل البشرات من الفاتحة للغامقة أنصح فيه للكل،،
ولونه قوي ممكن يتخفف بس أحب أحطه مع روج نيود فاتح ومكياج عين ناعم يعطي الوجه لون حلو..
وإذا تخافي البلشرات الوردية ممكن ماتناسبك جربيه وراح يعجبك إن شالله *-*


MAC Mineralize Blush in Lovejoy

مينيرلايز برضو نفس نوعية جنتل بس اللون جاي بني لحمي محمر والشيمر ذهبي
مو بس أنا أحبه حتى أختي سارت تعشقه كمان لول
تحسي شكله بالعلبة مايحمس بس إذا حطيتيه عالبشرة مرة لونه حلو ويعطي غلو رائع خصوصا عالبشرات الحنطية والسمرا
وصبغته قوية نفس جنتل تحتاجي كمية قليلة منه عالفرشة.


MAC Sheertone Blush in Gingerly 

جينجرلي أي وحدة تطلب مني بلاشر يومي لحمي طبيعي للدوام مرة أنصحها فيه *-*
مافي شيمر ويعطي لون ودفء للبشرة بدون مايبين إنك حاطة بلاشر ويناسب كل ألوان وأنواع المكياج
وبيرفكت مع الروج الأحمر..
مناسب للبشرات الفاتحة والحنطية.


MAC Frost Blush in Format

لونه بني برونزي على ذهبي اللي تحب التان والألوان البرونزية مرة حيعجبها
لونه في العلبة مبين بني وغامق بس لأنه فروست بالعكس عالبشرة مو مرة غامق
يناسب البشرات الحنطية والسمرا.


MAC Sheertone Blush in Pinch Me

بلاشر على إسمه تحسيه نفس لون الخدود لما تحمر طبيعي 
لونه مو مرة وردي ولا مرة مشمشي 
مناسب لكثير بشرات أعرف كثير يحبوه بيرفكت للإستخدام اليومي.


MAC Sheertone Shimmer in Ambering Rose 

أحبببه لون يجنن صراحة ومالقيت زيه كثير!!
برونزي نحاسي محمر بلمعة إنسألت عنه كذا مرة
يعطي البشرة لون صحي وجميل جدا وممكن تستخدميه بمكياج الصباح أو السهرات 
مرة حلو مع الأرواج اللحمية الدافية والأورنجيات.
يناسب كل البشرات الفاتحة والحنطية والسمرا


وهذه سواتشات للألوان

بصعوبة إخترت ٦ :( فيه درجات ثانية برضو أحبها بس ماحبيت أطول عليكم وإخترت التوب xp
الباقي راح أكتب عنهم بوقت ثاني أو أنزلهم عالإنستغرام إن شالله

أسعار بلشرات ماك مو متأكدة منها بعد الزيادة
العادية ١٢٠ ريال تقريبا والمينيرلايز ١٣٥ ريال تقريبا




❤❤

Twitter | Instagram | Email


7 comments:

  1. حالة أخد وردي فاتح جداً ايش تنصحيني .. يعطيكي العافية

    ReplyDelete
  2. الله يسعدك عالريفيو الحلومثلك,,
    الجنتل الي من المنيرلايز اعجبني, ,,يجي منه ريفيل ولالا??كم سعره,,
    والفورمات كمان جميييل,,
    تتهني فيها ياقمر,,

    ReplyDelete
  3. يسلموا على المدونة الجميلة وارائعة معلوماتك جدا حلوة الله يعطيك العافية

    ReplyDelete
  4. جراج الله الجنه وايد استفدت ياليت تتكلمين عن الأرواج

    ReplyDelete
  5. كلامك مرره يجنن ووصفك للمنتجات شيء عجييب
    بس ممكن تغيري اعدادات المدونة وتكبري الخط شويتين *-*'

    ReplyDelete

Related Posts Plugin for WordPress, Blogger...