Thursday, February 6, 2014

Confessions of a M.A.C.aholic: Perfect Foundation Routine For Oily Skin | إعترافات مدمنة ماك: روتين فاونديشن مثالي للبشرة الدهنية




أهلين ياجميلات 

بوست اليوم تابع لسلسلة إعترافات مدمنة ماك اللي بدأتها قبل كم أسبوع
والموضوع حيكون عن روتين الفاونديشن للبشرة الدهنية اللي أغلب البنات بإنستغرام إختارو إني أتكلم عنه..



المنتجات كلها من ماك والروتين هذا مرة أعشقه وأعتمد عليه دايما بالمناسبات المهمة لأني واثقة إنه بيطلع حلو ويثبت ومايبين زيوت بشرتي بعد كم ساعة.
إذا بشرتك دهنية أو دهنية/عادية مرة أنصحك فيه.


في البداية أهم خطوة وهي تحضير البشرة



أستخدم ماسك وسكرب Volcanic Ash وسويتله ريفيو كامل هنا


مرة ممتاز للبشرة الدهنية لأنه يخفف من إفراز الدهون ويصفي البشرة.

وبعده أستخدم مرطب Mineralize Charged Water Moisture Gel نوعه جل ميزته يعطي البشرة ترطيب ويعوض الموية اللي ناقصتها وخفيف مو دهني،،
ولا مرة بحياتي كنسلت المرطب لأن البشرة الدهنية إذا ماأعطيتيها ترطيب كفاية راح تزيد إفراز الدهون عشان تعوض الترطيب اللي ناقصها
وهذا المرطب يعطي ترطيب بس لأنه جل ماراح يخلي البشرة تلمع.


البرايمر



Prep + Prime skin
برايمر قوامه سيليكون فائدته يخلي طبقة بين الفاونديشن والبشرة وماراح يخلي الفاونديشن يدخل بالمسام وبالتالي يزيد ثباته أكثر، هذا البرايمر يثبت ويصفي شكل البشرة وينعمها ويهديء الإحمرار (مناسب لكل البشرات مو بس الدهنية)



الفاونديشن 



طبعا عارفين بماك فيه كذا فاونديشن لكل أنواع البشرات وراح أتكلم عنهم بتدوينة ثانية بس اليوم إخترت النوع الأنسب برأيي للبشرة الدهنية وهو Prolong Wear Foundation

- تغطيته متوسطة/عالية.
- يتميز بتقنية الثبات لمدة ١٥ ساعة مايتغير لونه ولا يتأكسد.
- هو وفاونديشن فيس اند بودي من ماك يتميزو بإنهم يسوو طبقة عالبشرة Film Former Technology تخلي البشرة ناعمة وماتمتصه المسام أبدا عشان كذا ثباتهم عالي ويستخدموهم كثير خبراء تجميل بالتصوير.
- مطفي ويمنع إفراز الدهون.
- خفيف عالبشرة ويندمج بسهولة.

حاولت أطلعله عيوب عشان أعطيكم ريفيو متكامل بس مالقيت صراحة جدا رائع ومرة أحبه أحطه وأنا متطمنة
مناسب بالنهار لو دوامك طويل وكمان مناسب بالسهرات وحتى للعرايس..

يمكن الشيء الوحيد اللي لازم تنتبهيله بهذا الفاونديشن هو إنه ينشف بسرعة يعني لازم توزعيه على طول 
أنا أوزعه بكل منطقة بوجهي لوحدها مثلا أبدأ بالخدود وأدمجه وأوزعه تمام بعدين الجبهة والأنف والدقن وزي كذا..
ممكن يتوزع بالأصابع أو فرشة أو إسفنجة.

طريقتي المفضلة بتوزيعه فرشة بفنغ ريل تكنيك وأطبطب عليه بأصابعي عشان أدمجه مع البشرة ودرجتي Nc40 


الكونسيلر



نفس نوع الفاونديشن كمان أستخدم Prolong Wear Concealer وله نفس المميزات
تغطيته عالية بس خفيفة عالبشرة لأنه سائل، جدا ثابت ومايخطط 
درجتي Nc35 أخذت أفتح من الفاونديشن بدرجة لأن هالاتي مي قوية يعطيني تغطية كافية ويفتح تحت العين، أوزعه بفرشة ماك ٢٢٤.

وحكاية إختيار الدرجات صعبة شوية كثير يسألو بشكل يومي أنا هالاتي كذا إيش أختار درجة وإيش الأندرتون اللي يناسبني.. المشكلة إنه مستحيل أجاوبك صح بدون ماأشوفك! ماأبغى أقولك شيء وتجربيه مايناسبك وتحقدي عليا :(

روحي لفرع ماك وإن شالله يساعدوك.. بجدة فرع الصيرفي والتحلية فيه بنات شاطرين وأكيد بقية الفروع كمان ماك يهتمو كثير بتدريب الموظفات عندهم اذا لقيتي موظفة ماعندها فكرة أكيد إنها جديدة أطلبي وحدة تكون خبيرة عندهم..


الهايلايتر

 Prep + Prime Highlighter ولونه Light Boost
درجته على صفار تناسب بشرتي وتعطيني إضاءة جميلة
أوزعه على شكل مثلث تحت العين وفوق جسر الأنف والشفايف وبوسط الجبهة
يثبت ويناسب البشرة الدهنية لأنه ناشف شوية مو كريمي ومناسب لكل البشرات كمان، أدمجه بالبيوتي بليندر.



الباودر



أستخدم Studio Fix Powder لأن تغطيتها عالية تزود تغطية الفاونديشن وتعطيني تغطية Flawless ومخملية 
أوزعها بفرشة كبيرة زي ماك ١٥٠ بشكل ضربات خفيفة عالوجه وتحت العين لمجرد التثبيت.

الكونتور

بودرة Mineralize Skinfinish Natural درجة Medium Dark هي درجتي بالصيف لما أسمر شوية بس حاليا أستخدمها للكونتور مي مرة غامقة وتعطي كونتور بسيط وطبيعي لأن نوعية البودرة هذه مرة طبيعية ماتبين كأنها بودرة 
أوزعها بفرشة زاوية للوجه من ماك ١٦٨ تحت عظمة الخد وجوانب الأنف وعالجبهة حدود الشعر.

وبعدين كملي مكياجك عادي زي ماتحبي،، وإذا كانت بشرتك مو مرة دهنية وحسيتي الفاونديشن مطفي بزيادة بخي فكس بلس راح يعطيك لوك طبيعي أكثر ولمعة للبشرة وممكن تزودي هايلايتر لمعة كريمي عالخدود زي ستروب لوشن من ماك إذا حابة يكون شوية ديوي ومو مطفي تماما..
بس أنا أحبه مطفي وهذا بالنسبة لي أفضل روتين فاونديشن ثابت للبشرة الدهنية بإستخدام منتجات ماك.

أتمنى تكونو إستفدتو من البوست،، وصاحبات البشرة الجافة لا تزعلو راح أتكلم عن الفاونديشنز المناسبة لكم قريب إن شالله..
وإذا عندكم أي إقتراحات لتدوينات بهذه السلسة بليز أكتبولي هيا بالكومنتس :*



❤❤


Twitter | Instagram | Email



12 comments:

  1. يناسب البشره المختلطه ولالا??لانك رشحتيه لي

    ReplyDelete
    Replies
    1. إيوة إذا مختلطة دهنية يناسبها.. الجافة يمكن يكون ناشف بزيادة عليها ويحتاج تستخدم كريم مرطب قوي قبله.

      Delete
  2. مرحبا وفاء
    يعطيكي العافية
    بليز اعملي ريفيو عن فاونديشنات ماك اللي جربتيها
    وعندي سؤال بخصوص الكونسيلر أنا أعرف درجتي وأعرف اندرتوني أصفر
    هل صحيح انو احسن لو أخذت كونسيلر على وردي لهالاتي الغامقة
    بكل الأحوال أنا ان شاء الله رح أجرب عندهم بس حبيت أشوف رأيك

    ReplyDelete
    Replies
    1. أكيد إن شالله،، بخصوص الكونسيلر صح ممكن يكون أفضل تاخذي الأندرتون الوردي أو إستخدمي مصحح مشمشي قبل الكونسيلر

      Delete
  3. هلا وفا ربي يسعدك شريت الاساس واعجبني ربي يسعدك زي مااسعدتيني درجتي ان سي 39 برولونغ وير,,,الزبده مالقيت كونسيلر لابرولونغ ويرو ولا الي يشبهله الي قولتيله عنه الظاهر سيلكت اسمه. انا ابغى اغمق من

    اساسي.بدرجه وحده لان هالاتي متوسطه قالتلي العامله خذي من سيلكت ان دبليو30 وترددت وشرايك بكلامها اخاف يقلب رمادي

    ReplyDelete
    Replies
    1. حبيبتي والله مادري ماأقدر أجاوبك بالزبط إيش يناسبك وانا ماشوفتك لو أقدر كان جاوبتك
      بس ان دبليو لأنه على وردي شوية ممكن يكنسل الهالات جربيه بالمحل قبل لا تاخذيه وشوفي

      Delete
  4. عفوا درجتي ان سي 30

    ReplyDelete
  5. حمستيني للprep and prime highlighter

    BTW I have the same skin tone :D

    ReplyDelete
  6. يابخت صاحبات البشرة الدهنية �� ربي يسعدك وفاء استمتع ببوستاتك كثيييييير ��

    وانتظر بوست فاونديشن البشرة الجافة ❤

    ReplyDelete
  7. سلام عليكم اختي انا محتآره بين لاثني علمآ بآنه يشرتي صافيه بس مختلطه مائله للدهني شن رايك آي افضل للاستعمال اليومي studio fix fluid آو PRO LONGWEAR
    يآريت تجآوبي ع سؤالي

    ReplyDelete

Related Posts Plugin for WordPress, Blogger...