ماحسيتو شهر جون كان طويل وممل بزيادة؟ لول بس خلص الحمدلله وصرنا بشهر جولاي My birthday month ;p
المفضلات اليوم كمان مو كثيرة وماراح أقسمهم راح أتكلم عنهم بشكل عشوائي..
Bourjois Pamper Me Cocooning Shower Milk
شاور جل أو شاور كريم من بورجوا أخذته من الدانوب وأنا أقضي لرمضان
حبيته مرة ريحته حلوة حسيتها باودر وشوية سويت وأهم شيء إنه يرطب ماينشف الجسم
سعره ماافتكر بس أقل من ٣٠ ريال.
Soap and Glory Glow Getter Sun Powder Spray
عبارة عن بخاخ تان زي المكياج للجسم يعطي لون تان حلو وريحته جمييييييلة نفس ريحة منتجات سوب اند غلوري
مايعدم الملابس، مايروح الا إذا غسلتيه بالصابون وينغسل بالشاور عادي..
أنا ابخه على جسمي وبعدين أوزعه بيدي ولازم تكوني حاطة لوشن قبل لأنه ناشف شوية وزي الباودر.
راح أنزل مقارنة بينه وبين بخاخ سالي هانسن في الإنستقرام إن شالله
سعره ٩٥ ريال من صيدلية بووتس.
Crabtree and Evelyn Citron, Honey & Coriander Ultra-Moisturising Hand Therapy
كريم معالج لليد من كرابتري وايفلين ترطيبه راااائع مرة عالي بدون مايدبق والكريم من مكوناته الليمون والعسل ويعتبر معالج لليد..
أنا يدي جافة وأحب ريحة الليمون عشان كذا مررررة حبيييته ههههه
أنسب شيء يستخدم قبل النوم لأن مافيه حماية من الشمس.
سعره حدود ٣٠ ريال كانو عاملين خصم من فترة ومحلهم بجدة موجود في ريد سي مول.
Sephora Daily Brush Cleaner
منظف فرش من سيفورا أخذته لأني كنت مسافرة ومستعجلة وحبيت شكله بعلبة صغيرة تناسب السفر وبخاخ.
ينظف الفرش بشكل سريع ويعقمهم وريحته حلوة وماينشف شعر الفرش،، حاطته بشنطة الفرش لشغل الميك اب لأنه سريع ينظف الفرشة وأقدر أستخدمها مباشرة وحجمه جدا عملي.
سعره أظن ٤٥ ريال من سيفورا.
Benefit They're Real! Push-up Liner & They're Real Makeup Remover
أيلاينر بينيفت نزل اليوم في سيفورا عملتله ريفيو هنا
والميك اب ريموفر تبعه رااائع جدا ينظف المكياج بكل سهولة.. طبعا مو شرط هوا بس اللي تستخدميه للايلاينر ممكن أي منظف زيتي أو Balm عندك ينفع.
Bourjois Rouge Edition Velvet Lipstick #07
روج مخملي من بورجوا لونه نيود وردي رقمه ٧
مطفي وجميل نوعيته ماحسيته ينشف بس ثباته مو مرة عالي ماأعتبره Stain كأنه روج عادي
بس حبيت لونه جدا وتركيبته ناعمة عالشفايف.
سعره ٧٥ ريال.
MAC Extra Dimension Bronzer in Delphic
برونزر اكسترا ديمنشن إسمه ديلفك من ماك (ليميتد)
مررررررة جميييييل :(
نوعية الباودر نفسها ناااعمة وخفيفة عالبشرة ماتبين باودري نهائيا واللون بيرفكت بالنسبة لبشرتي الحنطية
اندرتون البرونزر دافي يعطي دفء ولون حلو للبشرة مرة حبيته ولو نزل عندنا إن شالله جدا أنصحكم تاخدوه..
Maybelline Dream Lumi Concealer #3
كونسيلر/هايلايتر من مايبلين من نفس نوعية توش ايكلا من ايف سان لوران بس حقيقة مايشبهله أبدا
هو جميل بس ماحسيته نفس توش ايكلا..
جدا خفيف بيرفكت بالنهار درجة ٣ تقريبا نفس درجتي مو فاتحة استخدمه إذا أبغى كونسيلر يومي خفيف وطبيعي
اللي تبغى تستخدمه للهايلايت تاخذ درجة أفتح.
سعره ٢٠-٣٠ ريال من سنتربوينت.
The Body Shop Eye Definer in Copper Brown
كحل من ذي بودي شوب لونه بني دافي وفيه لمعة بسيطة مررررة يشبه كحل Teddy من ماك تقريبا نفسه باللون!
اللون هذا بيرفكت للإستخدام اليومي أحطه فوق خط الرموش وتحت العين وأدمجه شوية وماسكارا سودا وخلاص *-*
مايبين قوي نفس الكحل الأسود بس يعطي تحديد ولون حلو للعين. راح أنزل سواتش بالإنستقرام إن شالله.
MAC Heroine Lipstick & Magenta Lip Pencil
أدمنت هاللوون قااتل *-*
أخذته بالشهر اللي فات وحطيته بكل خرجاتي لول مرة جذاب ومميز وحقيقي كل ماأحطه أنسأل عنه! يستاهل الضجة اللي عليه وعلى فكرة كان لون ليميتد ومن كثر ماحبوه الناس ماك خلوه بالمجموعة الدائمة D:
محدد ماجينتا بيرفكت معاه وإذا أبغاه يكون أغمق أستخدم محدد Vino بس ماجينتا أحلى بالصيف.
حاجاتك جميله
ReplyDeleteتتهني :$
أحب مفضلاتك ^^
ReplyDeleteشكراً يا عسل