Monday, November 19, 2012

إيش البي بي كريم؟ ❤ ريفيو بي بي كريم ذا بودي شوب Review: THE BODY SHOP All In One BB Cream




ببساطة كل الضجة اللي عالبي بي كريم لأنه كريم عناية وترطيب وبنفس الوقت فيه تغطية زي الفاونديشن
يعني فاونديشن خفيف وطبيعي ومايضر البشرة
حبيت إنه مرة عملي ويختصر عليكي فالصباح مثلا بدل ماتحطي كريم ترطيب وكريم أساس بس تستخدمي برودكت واحد ;)
وممكن كمان تستخدميه بطلعات خفيفة يبين طبيعي مرة وماكأنك حاطه شيء
يعني على قولتهم your skin but better ;)

فيه ناس تقول إنه أصلا من ألمانيا بس إنه مرة منتشر عند الأسيوين من زمان ودوبو اللي وصلنا لول

وتقريبا مافيه ماركة ماهي منزلة بي بي كريم خاص فيها
ولمن تختاري بي بي كريم إختاري حسب نوع بشرتك وشوفي إيش الأشياء اللي تحتاجيها بالبي بي كريم
يعني تحبي تغطية أكثر أوعناية ، وفيه أنواع فيها شد للبشرة وفيه أنواع تفتح البشرة وغيرها....
وشيء ثاني اللون البي بي كريم عادة مافيه غير درجتين أو ثلاثة إختاري الأقرب لبشرتك

أنا كنت حابة أجرب البي بي كريم من زمان عشان أشوف ليش الناس طايحة فيه لول
حق غارنييه اللي عندنا قريت عنه ريفيوز إنه مايناسب البشرة الدهنية 
وفيه منه نوع للبشرة الدهنية بس مانزل عندنا

وماحبيت أجرب بي بي كريم من ماركات الهاي إند ويكون غالي ومايعجبني :|

عشان كذا جربت حق ذا بودي شوب لأن سعره معقول وعجبني مرة  ❤.


The Body Shop All In One BB Cream 



فيه منه ٣ ألوان اللي عندي الميديم ، سعره ٨٩ ريال ومتوفر بمحلات ذا بودي شوب بجدة على حد علمي

مميزاته

 - لمن تدمجيه يتوحد مع لون بشرتك شوفوه بالصورة لونه أبيض كأنه كريم مرطب عادي وبعد مادمجته صار نفس لوني 
وهذا أهم شيء عندي إنو عالوجه مافيه أي إختلاف بين وجهي ورقبتي وطالع اللون موحد 

- بشرتي دهنية/مختلطة ومايدهن أبدا بالعكس يعطي ترطيب خفيف ويغنيني عن إني أستخدم كريم مرطب صباحي

- تغطيته بيرفكت بالصباح يعني خفيفة/متوسطة ، عندي أثار حبوب خفيفة غطاها بشكل مرة طبيعي ووحد لون البشرة

- جدا خفيف وتحسي إن البشرة تتنفس لمن تحطيه

 ممكن ينفع بدل برايمر بالليل أو لو حابة تغطية أثقل أستخدميه قبل الفاونديشن العادي
يعطي ترطيب ويوحد البشرة

وتقريبا بشكل عام حبيته مرة وأنصح فيه بشدة ;)



7 comments:

  1. مره حبيت ان لون البي بي كريم أبيض و يناسب كل البشرات يعطيكِ العافية على الريفيو و الشرح الوافي و المفيد♥

    ReplyDelete
  2. جربت هالبي بي كريم من فتره و حلو والله
    بس مشكلتي اخذت درجه 2 واغمق من لوني معطيني على برونز
    المشكله اني حسيت رقم واحد على اصفر وانا مايناسبني ابد هالاندرتون :/
    مشكله البي بي كريم فعلاً قلة درجاته

    لكني بشكل عام راضيه عنه ماامانع بدفا بوجهي ههههههههه

    بس الحراميه انا اخذته ب 99 :/

    تتهني فيه ياجميله
    ويعطيك العافيه عالريفيو

    ReplyDelete
  3. انا حبيت البي بي كريم وعجبتني فكرته مررره جربت من قارنييه هو حلو بالنسبه انه خفيف بس انو باهت شوي والدرجه الي اخذتها اغمق عطتنى برونز على حماار فصرت حاليا اخلطه مع كريم عندى لون فااتح وصار الوضع تمام بسسسس
    من جد انا شفت لجوجو ممقطع تمدح وقررت اشتريه اما الحين خلاص بشتريه وانا واثقه تماماحبيت البوست مررره

    ReplyDelete
  4. شكرا لك ... استفدت مما كتبت ...

    أطيب المنى

    ReplyDelete
  5. This comment has been removed by the author.

    ReplyDelete
  6. مشكورة الغالية ،، خذيت منه الميديم ونفعني وانا ناوية اخذه منه بعد لان خلص

    ReplyDelete
  7. طيب عزيزتي ستري يدك .. ورجل بدخل وينفتن بيدك

    ReplyDelete

Related Posts Plugin for WordPress, Blogger...